समर्थ पोलिसांनी आरोपीला केली अटक
marathinews24.com
पुणे – अल्पवयीन मुलासोबत अश्लील कृत्य करणाऱ्या एकाला समर्थ पोलिसांनी अटक केली. त्याच्याविरुद्ध बालकांचे लैंगिक अत्याचारांपासून प्रतिबंध अधिनियमान्वये (पोक्सो) गुन्हा दाखल करण्यात आला. शुभम अरुण गोरे (वय २३, रा. भवानी पेठ पोलीस वसाहत) असे अटक करण्यात आलेल्याचे नाव आहे. याबाबत पीडित मुलाच्या आईने समर्थ पोलीस ठाण्यात फिर्याद दिली आहे.
हडपसर परिसरातील रुग्णालयात बाॅम्बसदृश वस्तू सापडली – सविस्तर बातमी
पोलिसांनी दिलेल्या माहितीनुसार, ९ मे रोजी गोरे याने बारा वर्षीय मुलाला घरात बोलाविले. त्यानंतर त्याने मुलासोबत अश्लील कृत्य केले. या प्रकाराची कोणाला माहिती दिल्यास त्याने मुलाला मारहाण करण्याची धमकी दिली. घाबरलेल्या मुलाने या घटनेची माहिती आईला दिली. समर्थ पोलिसांनी या प्रकरणी गोरे याला अटक केली. न्यायालायने त्याला पोलीस कोठडीत ठेवण्याचे आदेश दिले. पोलीस उपनिरीक्षक फरताडे तपास करत आहेत.
