अत्यावश्यक सेवेतील वाहने वगळून जड वाहतुकीला बंदी
marathinews24.com
पुणे – शहरात गणेश उत्सव काळात नागरिकांची साहीत्य खरेदी व देखावे पाहण्यासाठी मोठ्या प्रमाणावर गर्दी होते. सुरक्षेची उपाययोजना व रस्त्यांवरून अवजड वाहनांमुळे नागरिकांना असुरक्षितता निर्माण होवून त्यांचे जिवीतास धोका होवू नये. तसेच शहरातील खालील ठिकाणी वाहतुक सुरक्षीत व सुरळीतपणे राहण्यासाठी वाहतूक उपायुक्त हिंमत जाधव यांनी अत्यावश्यक सेवेतील वाहने वगळून जड वाहतुकीला बंदी केली आहे. (फायरब्रिगेड, पोलीस वाहने, रुग्णवाहिका गणेश देखावे वाहतूक करणारी वाहने वगळून) आदेश जारी केले आहेत.
शहरात २५ ऑगस्ट ते ७ सप्टेंबरपर्यंत रस्त्यांवर अवजड वाहनांच्या वाहतूकीस २४ तास बंदी करण्यात आली आहे. शास्त्री रोड – सेनादत्त चौकी चौक ते अलका चौक, टिळक रोड – जेधे चौक ते अलका चौक, कुमठेकर रोड – शनिपार ते अलका चौक, लक्ष्मी रोड – संत कबीर चौक ते अलका चौक, केळकर रोड – फुटका बुरुज ते अलका चौक, बाजीराव रोड – पुरम चौक ते गाडगीळ पुतळा, शिवाजी रोड – गाडगीळ पुतळा ते जेधे चौक, कर्वे रोड – नळस्टॉप चौक ते खंडोजीबाबा चौक, फर्ग्युसन कॉलेज रोड – खंडोजीबाबा चौक ते विर चाफेकर चौक, जंगली महाराज रोड – स.गो. बर्वे चौक ते खंडोजीबाबा चौक, सिंहगड रोड – राजाराम ब्रिज ते सावरकर चौक, गणेश रोड / मुदलियार रोड – पॉवरहाऊस – दारुवाला – जिजामाता चौक – फुटका बुरुज चौकात वाहतुक बदलांचा अवलंब करावा. गणेशोत्सव शांततेने पार पाळण्यास व वाहतुक सुरळीत ठेवण्यास वाहतुक पोलीसांना सहकार्य करावे, असे आवाहनही पोलिसांनी केले आहे.
