अज्ञात चोरट्याविरुद्ध गुन्हा दाखल
marathinews24.com
पुणे – PMPML Bus Theft : पीएमपीएल बसप्रवासात गर्दीचा फायदा घेउन चोरट्यांनी जेष्ठ महिलेच्या हातातील २ लाख रुपये किंमतीची सोन्याची बांगडी चोरुन नेली. ही घटना ७ ऑक्टोबरला दुपारी साडेतीनच्या सुमारास स्वारगेट परिसरातील आयकर भवन बसस्थानकात घडली आहे. याप्रकरणी सातारा परिसरात राहणार्‍या ६५ वर्षीय महिलेने स्वागरेट पोलीस ठाण्यात फिर्याद दाखल केली आहे. त्यानुसार अज्ञात चोरट्याविरुद्ध गुन्हा दाखल करण्यात आला आहे.
पार्किंगमधील मोटारीची काच फोडून ऐवज चोरीला – सविस्तर बातमी
पोलिसांनी दिलेल्या माहितीनुसार, तक्रारदार जेष्ठ महिला सातारामधील असून, कामानिमित्त ७ ऑक्टोबरला स्वारगेट परिसरात आल्या होत्या. दुपारी साडेतीन वाजण्याच्या सुमारास जेष्ठ महिला पीएमपीएल बसने प्रवास करण्यासाठी आयकर भवन स्थानकाजवळ गेल्या होत्या. _PMPML Bus Theft) त्यावेळी बसमध्ये गर्दीचा फायदा घेउन चोरट्यांनी महिलेच्या हातातील २ लाख रूपये किंमतीची सोन्याची बांगडी चोरुन नेली. काही वेळानंतर महिलेला हातात बांगडी नसल्याचे दिसून आले. त्यानंतर त्यांनी पोलीस ठाण्यात धाव घेतली. याप्रकरणी सहायक पोलीस निरीक्षक स्वप्निल शेळके तपास करीत आहेत.
