दत्त जयंतीच्या शुभमुहूर्तावर उमेदवारी अर्ज वाटपाची सुरुवात
marathinews24.com
पुणे – महानगरपालिका निवडणुकीसाठी शिवसेना पूर्ण ताकद, उत्साह आणि जनतेच्या विश्वासाच्या बळावर मैदानात उतरत आहे. दत्त जयंतीचा शुभमुहूर्त साधत आज पत्रकार भवन येथे प्रतीकात्मक स्वरूपात २ महिला आणि २ पुरुष इच्छुकांना उमेदवारी अर्ज देण्यात आले आणि एकप्रकारे निवडणुकीची औपचारिक सुरूवात झाली.
स्मार्ट इंडिया हॅकेथॉन २०२५ ची महाअंतिम फेरी पुण्यात – सविस्तर बातमी
शिवसेनेने गेल्या अनेक वर्षांपासून पुणेकरांच्या प्रश्नांवर सातत्याने लढा दिला आहे. भ्रष्टाचार, अनियमित कारभार, सत्ताधाऱ्यांची जनविरोधी भूमिका याविरोधात रस्त्यावर उतरून आवाज उठविणारे एकमेव पक्ष म्हणून शिवसेनेने आपली ओळख निर्माण केली आहे. आगामी निवडणुकीत प्रत्येक प्रभागात मोठ्या संख्येने इच्छुक पुढे येत असून जनतेची सेवा करण्यासाठी शिवसेना सज्ज आहे. उमेदवारी अर्ज वाटप
दिनांक ४ डिसेंबर २०२५ पासून पुढील सात दिवस शिवसेना पुणे शहर कार्यालय, डेक्कन जिमखाना, पुणे येथे दुपारी 3 ते सायं 6 वेळेत अर्ज उपलब्ध होणार आहेत, अर्ज किंमत ५०० असून अर्ज दाखल करतानाचे शुल्क १० हजार सर्वांसाठी असणार आहे.
उमेदवारी अर्जात इच्छुकांचे शिक्षण, सामाजिक काम, शैक्षणिक योगदान, पक्षाच्या आंदोलनातील सहभाग, बैठकींतील उपस्थिती, प्रभागातील उपक्रम अशी सविस्तर माहिती आवश्यक आहे. अर्ज प्राप्तीनंतर सात दिवसांनी मुलाखतींची प्रक्रिया सुरू होणार आहे.
पत्रकार परिषदेत युतीबाबत शिवसेनेची भूमिका मांडताना संजय मोरे म्हणाले महाविकास आघाडी किंवा युतीबाबतचा निर्णय वरिष्ठ स्तरावर होईल. पुणे शहर शिवसेना मिळालेल्या आदेशाचे पालन करेल, भाजपने भूतकाळात शिवसेनेसोबतची युती तुटवून विश्वासघात केला असल्याने, शिवसेना पुणे शहर पूर्ण तयारीत असून युती असो वा नसो, लढण्यासाठी आम्ही सर्व ताकदीने तयार आहे. महाविकास आघाडी झाल्यासही निवडणूक मजबूतपणे एकत्रित लढवली जाईल. यावेळी कार्यक्रमास वसंत मोरे, निवडणूक समन्वयक, संजय मोरे शहर प्रमुख, गजानन थरकुडे, अनंत घरत प्रसिद्धी प्रमुख, पुणे उपस्थित होते.
शिवसेनेच्या नेतृत्वाखालील पुणे शहर आता निवडणुकीच्या तयारीला सुरुवात करीत असून महानगरपालिकेत पुन्हा एकदा जनतेचा आवाज बुलंद करण्यासाठी शिवसेना सज्ज आहे! असे मत गजानन थरकुडे यांनी व्यक्त केले.
