हडपसर पोलीस ठाण्यात गुन्हा दाखल
marathinews24.com
पुणे – शेअर आणि आयपीओमध्ये कमी गुंतवणूकीवर जादा परतावा देण्याचे आमिष दाखवून सायबर चोरट्यांनी तरूणाला तब्बल १२ लाख रूपयांचा ऑनलाईन गंडा घातला. ही घटना १ ऑगस्ट ते १५ ऑक्टोबर २०२५ रोजी हडपसर परिसरात घडली आहे. याप्रकरणी संबंधिताने हडपसर पोलीस ठाण्यात तक्रार दाखल केली आहे.
इंधन वाहतूक करणार्या टँकरला आग, शेवाळेवाडी चौकातील घटना – सविस्तर बातमी
पोलिसांनी दिलेल्या माहितीनुसार, तक्रारदार तरूण हडपसरमध्ये राहायला असून, १ ऑगस्टला सायबर चोरट्यांनी त्यांना संपर्क साधला. कमी गुंतवणूकीवर जादा परतावा देण्याचे सांगून विश्वास संपादित केला. त्यानंतर सायबर चोरट्यांनी संबंधिताला गुंतवणूक करण्यास भाग पाडले. १२ लाख रूपये गुंतवणूक करूनही त्यांना परतावा मिळाला नाही. फसवणूक झाल्याचे लक्षात आल्यानंतर तक्रारदाराने पोलीस ठाण्यात धाव घेतली. पोलीस निरीक्षक नीलेश जगदाळे तपास करीत आहेत.
