चोरट्यांविरुद्ध गुन्हा दाखल
marathinews24.com
पुणे – मार्केट यार्डातील दुकानातून तेलाचे डब्बे चोरुन नेण्यात आल्याचा प्रकार उघडकीस आला. याप्रकरणी चोरट्यांविरुद्ध गुन्हा दाखल करण्यात आला आहे. याबाबत एका व्यापाऱ्याने मार्केट यार्ड पोलीस ठाण्यात फिर्याद दिली आहे. त्यांनी दिलेल्या फिर्यादीनुसार चोरट्यांविरुद्ध गुन्हा दाखल करण्यात आला आहे.
पुणे महापालिकेत नोकरीच्या आमिषाने फसवणूक – सविस्तर बातमी
पोलिसांनी दिलेल्या माहितीनुसार, तक्रारदार ७२ वर्षीय व्यापारी महर्षीनगर भागात राहायला आहेत. त्यांचा मार्केट यार्डात खाद्यतेल विक्रीचा व्यापार आहे. महावीर सेल्स काॅर्पोरेशन नावाचे त्यांचे दुकान आहे. चोरट्यांनी २८ जून रोजी मध्यरात्री दुकानातील लोखंडी जाळी उचकटून आत प्रवेश केला. चोरट्यांनी दुकानातील खाद्यतेलाचे डब्बे चोरून नेल्याचा प्रकार उघडकीस आला. चोरलेल्या तेलाच्या डब्ब्यांची किंमत १२ हजार रुपये आहे. पोलीस उपनिरीक्षक भापकर तपास करत आहेत.
बिबवेवाडीतील दुकानातून सौंदर्य प्रसधनांची चोरी
बिबवेवाडीतील एका सौंदर्यप्रसाधने विक्री करणाऱ्या दुकानातून सौंदर्यप्रसधानांच्या बाटल्या चोरुन नेण्यात आल्याचा प्रकार उघडकीस आला. याप्रकरणी दोघांविरुद्ध गुन्हा दाखल करण्यात आला आहे.या प्रकरणी राहुल उर्फ राकेश ओमप्रकाश तोमर, रामपाल जयकरण पाल (दोघे रा. भाईंदर, जि. ठाणे) यांच्याविरुद्ध गुन्हा दाखल करण्यात आला. याबाबत व्यावसायिकाने बिबवेवाडी पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, तक्रारदार व्यावसायिकाचे बिबवेवाडीत कृष्ण काॅस्मेटिक्स हे दुकान आहे. चोरट्यांनी दुकानाचे कुलूप तोडून ४ हजार ९०० रुपयांच्या सौंदर्य प्रसाधनांच्या बाटल्या चोरुन नेल्या. पोलीस हवालदार सावल तपास करत आहेत.
