लोणी काळभोर परिसरात घडली घटना
marathinews24.com
पुणे – किरकोळ कारणावरुन भाजी विक्रेत्याला मारहाण करण्यात आल्यची घटना लोणी काळभोर परिसरात घडली. याप्रकरणी टोळक्याविरुद्ध गुन्हा दाखल करण्यात आला. भाजी विक्रेता अक्षय अशोक चव्हाण (वय ३४, रा. जाधव वस्ती, थेऊर, ता. हवेली) यांनी लोणी काळभोर पोलीस ठाण्यात फिर्याद दिली आहे. त्यांनी दिलेल्या फिर्यादीनुसार भाजीपाला विक्रेत्यासह पाच ते सहा जणांविरुद्ध गुन्हा दाखल करण्यात आला आहे.
विवाहाच्या आमिषाने युवतीवर बलात्कार – सविस्तर बातमी
पोलिसांनी दिलेल्या माहितीनुसार, तक्रारदार चव्हाण यांचा भाजीपाला विक्रीचा व्यवसाय आहे. पुणे-सोलापूर रस्त्यावरील थेऊर फाटा परिसरात ते भाजी विक्री करतात. आरोपी भाजीपाला विक्री करतो. तक्रारदार भाजीपाला विक्रेत्याचे काका कडीपत्ता विक्री करतात. चव्हाण याच्या काकांनी आरोपीला कडीपत्याचे पाच बंडल देण्यास सांगितले होते. आरोपीने त्यांच्याकडे आणखी सात बंडल मागितले. या कारणावरुन त्यांच्यात वाद झाला. आरोपीने साथीदारांना बोलावून घेतले. चव्हाण आणि त्यांचा चुलतभाऊ प्रशांत यांना लाथाबुक्क्यांनी बेदम मारहाण केली. चव्हाण यांच्या डोक्यात दगड घातला, तसेच त्यांना बांबूने मारहाण केली. पोलीस उपनिरीक्षक दिगंबर सोनटक्के तपास करत आहेत.
