टोळक्याविरुद्ध गुन्हा दाखल
marathinews24.com
पुणे – वैमनस्यातून तरुणाला बॅटने मारहाण करण्यात आल्याची घटना घोरपडीतील बी. टी. कवडे रस्ता परिसरात घडली. या प्रकरणी टोळक्याविरुद्ध गु्न्हा दाखल करण्यात आला आहे. यश रवी उन्नीतन (वय २०, रा. बी. टी. कवडे रस्ता, घोरपडी) असे जखमी झालेल्याचे नाव आहे. याबाबत यशने वानवडी पोलीस ठाण्यात फिर्याद दिली आहे.
तुळशीबागेत महिलांकडील दागिने चोरीला – सविस्तर बातमी
याप्रकरणी ईश्वर नरुटे, इशान मोरेरा यांच्यासह पाच ते सहा जणांविरुद्ध गुन्हा दाखल करण्यात आला आहे. पोलिसांनी दिलेल्या माहितीनुसार, यश याचा आरोपींशी काही महिन्यांपूर्वी वाद झाला होता. शनिवारी (४ एप्रिल) रात्री नऊच्या सुमारास यश बी. टी. कवडे रस्त्याने निघाला होता. त्या वेळी आरोपींनी त्याला अडवले. त्याला शिवीगाळ करून बॅटने मारहाण केली. मारहाणीत तो जखमी झाला. पसार झालेल्या आरोपींचा शोध घेण्यात येत असून, पोलीस उपनिरीक्षक जाधव तपास करत आहेत.
