पुण्यात जुन्या वादातून तरुणाचा खून; चौघांना अटक

जुन्या भांडणाचा राग जीवावर; धारदार शस्त्राने हल्ल्यात तेजस पिलाणेचा मृत्यू

marathinews24.com

पुणे – जुन्या वादातून टोळक्याने तरुणाची धारदार शस्त्राने वार करून हत्या केल्याची धक्कादायक घटना उघडकीस आली आहे. याप्रकरणी पोलिसांनी चार आरोपींना अटक केली आहे. तेजस दत्तात्रय पिलाणे (वय २४, रा. पार्थदर्शन सोसायटी, मोहननगर, धनकवडी) असे खून झालेल्या तरुणाचे नाव आहे. ही घटना २५ एप्रिलला रात्री साडे नऊ वाजण्याच्या सुमारास शिवसृष्टी गदा चौकातून कात्रजकडे जाणाऱ्या सर्व्हिस रोडवर घडली आहे.

चालकाने लांबवले १५ लाखांचे दागिने, आरोपीला अटक – सविस्तर बातमी

पोलिसांनी दिलेल्या माहितीनुसार, जुन्या भांडणाच्या रागातून आरोपींनी तेजस पिलाणे याच्या चेहऱ्यावर व शरीरावर धारदार शस्त्राने वार केले. यात तो गंभीर जखमी झाला असून त्याचा जागीच मृत्यू झाला.

याप्रकरणी पोलिसांनी विशाल दत्तात्रय खोपडे (वय २२), अभिषेक दिलीप खोपडे (वय २३), सचिन हिराचंद्र धुळे (वय ४३) आदिनाथ शिवाजी कासबे (वय १९ सर्व रा. आंबेगाव व मंगळेवाडी, कात्रज) अशी अटक केलेल्या आरोपींची नावे आहेत. माहिती मिळताच पोलिसांनी तात्काळ घटनास्थळी धाव घेत आरोपींना ताब्यात घेतले. पुढील तपास वरिष्ठ पोलीस निरीक्षक राहुलकुमार खिलारे यांच्या मार्गदर्शनाखाली सुरू आहे.