वडीलांच्या त्रासाला कंटाळून आत्महत्या
marathinews24.com
पुणे – वडिलांच्या त्रासाला कंटाळून मी आत्महत्या करत आहे अशा आशयाची चिठ्ठी लिहून १७ वर्षीय अल्पवयीन मुलीने आत्महत्या केल्याचा धक्कादायक प्रकार समोर आला आहे. संजिवणी जिवन रोडे ( रा. जिजाबाईनगर, नांदेडगाव) असे आत्महत्या करण्यात आलेल्या मुलीचे नाव आहे. जीवन गणपती रोडे (वय ५५) याच्यावर गुन्हा दाखल करण्यात आला आहे. मुलीची आई शिला जिवन रोडे (वय ५०, रा. जिजाबाईनगर, नांदेडगाव) यांनी तक्रार दाखल केली आहे.
पुण्यातील सदाशिव पेठेतील ‘रमेश डाईंग’ दालनात आग – सविस्तर बातमी
पोलिसांनी दिलेल्या माहितीनुसार, रोडे कुटुंबीय गेल्या १० वर्षापासून जिजाबाईनगर येथे राहण्यास आहेत. आरोपी जीवन हा तक्रारदार शिला यांचा पती आहे. त्यांना सहा मुले असून तीन मुलींची लग्न झाली असून संजीवणी, तिची मोठी बहीण आणि तिचा ११ वर्षाचा लहान भाऊ हे त्याठिकाणी राहण्यास होते. शिला घरकाम करून कटुंबाचा उदनिर्वाह चालत होते.
पती जीवनला दारूचे व्यसन होते. तो नेहमी दारू पिऊन भांडण व शिवीगाळ करीत होते. तसेच मुलानाही शिवीगाळ करत होते. २९ सप्टेंबरला शिलाला घरकाम करण्यासाठी सकाळी आठ वाजता घराबाहेर पडल्या. यावेही पती, दोन मुली आणि मुलगा घरीच होता. त्यानंतर त्यांची मोठी मुलगी दुपारी तीन वाजता कामावर गेली. दि. २९ सप्टेंबरला शिला कामावर असताना दुपारी साडेपाचच्या सुमारास त्यांना फोन आला. त्यांनी पत्नीला संजिवनीने फाशी घेतल्याचे सांगितले. यावेळी मुलीने मृत्यूपूर्व चिठ्ठी लिहली होती. त्यामध्ये वडीलांच्या त्रासाला कंटाळून आत्महत्या करत असल्याचे चिठ्ठीत म्हटले होते. पुढील तपास नांदेड सिटी पोलिस करत आहेत.
