सायबर चोरट्यांनी ज्येष्ठ नागरिकाला २० लाख ६० हजार रुपयांना घातला गंडा
marathinews24.com
पुणे – शेअरसह आयपी ट्रेडिंगमध्ये कमी गुंतवणूकीवर जास्त परतावा मिळवून देण्याच्या बतावणीने सायबर चोरट्यांनी ज्येष्ठ नागरिकाला २० लाख ६० हजार रुपयांना गंडा घातला. ही घटना २३ जानेवारी ते २१ फेब्रुवारी २०२६ कालावधीत पर्वती परिसरात घडली आहे. याप्रकरणी ७३ वर्षीय नागरिकाने पर्वती पोलिस ठाण्यात तक्रार दिली आहे. याप्रकरणी मोबाईल धारक व लिंक धारक तसेच बँकेचे खाते धारक यांच्याविरूद्ध गुन्हा दाखल केला आहे.
वानवडीत दुचाकीस्वारांकडून रिक्षा अडवून लुटमार – सविस्तर बातमी
पोलिसांनी दिलेल्या माहितीनुसार, तक्रारदार हे जेष्ठ नागरिक असून, दत्तवाडी परिसरात राहण्यास आहेत. सायबर चोरट्यांनी त्यांना ऑनलाईनच्या माध्यमातून संपर्क साधला. शेअर व आयपी ट्रेडिंगचमध्ये कमी गुंतवणूक केल्यानंतर जास्त परतावा मिळवून देण्याची बतावणी केली. त्यांचा विश्वास संपादन केला. सायबर चोरट्याने त्यांना गुंतवणूक करण्यास भाग पाडले. त्यांच्याकडून २० लाख ६० हजार रुपये वर्ग करून घेतले. परतावा न देता त्यांची फसवणूक केली आहे. याप्रकरणी पोलिस निरीक्षक अनिता हिवरकर तपास करत आहेत.
शेअर गुंतवणूकीवरील चांगला परतावा देण्याच्या बहाण्याने दुसऱ्या घटनेत सायबर चोरट्यांनी एका व्यक्तीची तब्बल ४५ लाख २५ हजार रुपयांची फसवणूक केली आहे. याप्रकरणी नांदेडसिटी पोलिस ठाण्यात ५२ वर्षीय व्यक्तीने तक्रार दिली आहे. २ ऑगस्ट २६ सप्टेंबर २०२५ या एका महिन्यात ही फसवणूक झाली आहे. त्यानूसार, अज्ञाताविरूद्ध गुन्हा नोंद केला आहे. तक्रारदार धायरीत राहण्यास असून, त्यांना शेअर गुंतवणूकीवरील चांगला परतावा देण्याच्या बहाणाकरून पैसे उकळले आहेत. अधिक तपास उपनिरीक्षक प्रसाद राऊत हे करत आहेत.
बिल अपडेटच्या बहाण्याने फसवणूक
बिल अपडेट करण्याच्या बहाण्याने सायबर चोरट्यांनी जेष्ठ नागरिकाची साडे तीन लाखांची फसवणूक केली. याप्रकरणी कोथरूड पोलिस ठाण्यात ६९ वर्षीय नागरिकाने तक्रार दिली आहे. त्यानूसार सायबर चोरट्यांविरूद्द गुन्हा नोंद केला आहे. तक्रारदार हे कोथरूडमध्ये राहत असून, त्यांना सायबर चोरट्यांनी सातत्याने कॉल व मेसेज करून बिल अपडेट करण्यास सांगितले. त्यांना एक एपीके फाईल पाठविली. तक्रारदारांनी ती उघडली असता त्यांच्या मोबाईलचा ताबा घेऊन सायबर चोरट्यांनी त्यांच्या खात्यावरून ३ लाख ४४ हजार रुपये ऑनलाईन ट्रान्सफर करून फसवणूक केली.
