बनावट दस्तप्रकरण उत्तमनगर पोलिसांत गुन्हा
marathinews24.com
पुणे – बांधकाम व्यावसायिकाची फसवणूक केल्याप्रकरणी कुख्यात गुंड सुर्यकांत राणोजी आंदेकर याच्यासह उत्तमनगरमधील तिघांवर गुन्हा दाखल करण्यात आला आहे. २००९ पासून २०२४ पर्यंत हा प्रकार घडल्याचे तक्रारीत म्हटले आहे. याप्रकरणी उत्तमनगर पोलिस ठाण्यात महेश रामचंद्र तिखे, सुर्यकांत राणोजी आंदेकर, अविनाश रामचंद्र पवार यांचा भाऊ (नाव पत्ता माहिती नाही) यांच्यावर गुन्हा दाखल केला आहे. ७० वर्षीय बांधकाम व्यावसायिकाने तक्रार दिली आहे.
शालेय कुस्ती स्पर्धेत वय निश्चितीसाठी बोगस कागदपत्रांचा वापर – सविस्तर बातमी
पोलिसांच्या माहितीनुसार, तक्रारदार हे कोंढवे धावडे भागातील रहिवासी आहेत. ते बांधकाम व्यावसायिक आहेत. त्यांची येथे ५५ गुंठे क्षेत्र जागा होती. ती त्यांनी आरोपींना विश्वासाने कुटूंबियांना बांधकाम करण्यास दिली होती. बांधकाम झाल्यानंतर मात्र, त्यांनी तक्रारदार यांची संमती न घेता त्या फ्लॅटची विक्रीकरून पैशांचा अपहार केला. तसेच बनावट खरेदी दस्त तयार केला. त्याचा वापर करून बेकायदेशीररित्या कर्ज घेतले. तर त्यांच्या जागेचा बेकायदेशीररित्या ताबा घेतला असल्याचे तक्रारीत म्हंटले आहे. अधिक तपास वरिष्ठ निरीक्षक मोहन खंदारे हे करत आहेत.
