मोठ्या पदावरील नोकरी मिळवून देण्याचे आमिष दाखवून घातला गंडा
marathinews24.com
पुणे – मोठ्या पदावरील नोकरी मिळवून देण्याच्या बतावणीला बळी पडून ३२ वर्षीय तरूणाने तब्बल ४२ लाख रूपये गमावले आहेत. सायबर चोरट्यांच्या आमिषामुळे विश्वास संपादित झाल्यानंतर संबंधिताने त्यांना जाळ्यात अडकवून रक्कम पाठवण्यास भाग पाडले आहे. ही घटना १६ एप्रिल ते १६ जून २०२६ कालावधीत बालेवाडी परिसरात घडली आहे. याप्रकरणी बाणेर पोलिसांनी गुन्हा दाखल केला आहे.
पॉलिसीचे पैसे मिळवणे पडले महागात – सविस्तर बातमी
पोलिसांनी दिलेल्या माहितीनुसार, तक्रारदार हे बालेवाडीत राहायला असून, एप्रिल ते जून २०२६ कालावधीत सायबर चोरट्यांनी इ-मेलसह फोनद्वारे संपर्क साधला. त्यांना मोठ्या पदावरील नोकरी मिळवून देण्याचे आमिष दाखवले. त्यानंतर साबयर चोरट्यांनी तरूणाला काही रक्कम पाठवण्यास सांगितले. अवघ्या दोन महिन्यात ४२ लाख रूपये पाठवूनही त्यांना नोकरी मिळाली नाही. फसवणूक झाल्याचे लक्षात आल्यानंतर तरूणाने बाणेर पोलीस ठाण्यात फिर्याद दाखल केली. याप्रकरणी पोलीस निरीक्षक विजय खिल्लारे तपास करीत आहेत.
