चोरट्यांविरुद्ध गुन्हा दाखल
marathinews24.com
पुणे – श्रीमंत दगडूशेठ हलवाई गणपती मंदिर परिसरात ज्येष्ठ महिलेच्या पिशवीतून रोकड, सोनसाखळी असा ८३ हजार रुपयांचा ऐवज लांबविण्यात आल्याची घटना नुकतीच घडली. याबाबत एका महिलेने विश्रामबाग पोलीस ठाण्यात फिर्याद दिली आहे. त्यांनी दिलेल्या फिर्यादीनुसार, चोरट्यांविरुद्ध गुन्हा दाखल करण्यात आला आहे.
पुण्यात बेकायदा वास्तव्य करणारे ३ बांगलादेशी ताब्यात – सविस्तर बातमी
पोलिसांनी दिलेल्या माहितीनुसार, तक्रारदार ६३ वर्षीय ज्येष्ठ महिला मध्य प्रदेशातील इंदूरच्या रहिवासी आहेत. त्या श्रीमंत दगडूशेठ हलवा5 zaई मंदिर परिसरात दर्शनासाठी आल्या होत्या. मंदिराच्या परिसरात गर्दी झाली होती. चोरट्यांनी त्यांच्या पिशवीतून तीन हजारांची रोकड आणि सोनसाखळी असा ८३ हजार रुपयांचा ऐवज लांबविल्याची घटना नुकतीच घडली. पसार झालेल्या चोरट्यांचा शोध घेण्यात येत असून, पोलिसांनी मंदिराच्या परिसरातील सीसीटीव्ही चित्रीकरण तपासले आहे. पोलीस हवालदार गोंजारी तपास करत आहेत. मध्यभागातील लक्ष्मी रस्ता, तुळशीबाग, तसेच रविवार पेठेत खरेदीसाठी आलेल्या महिलांच्या पिशवीतून दागिने, रोकड चोरुन नेण्याच्या घटना नुकत्याच घडल्या.
मांजरीत महिलेचे दागिने हिसकाविले
पादचारी महिलेकडील १ लाख २० हजारांचे सोन्याचे मंगळसूत्र हिसकावून नेल्याची घटना हडपसरमधील मांजरी परिसरात घडली. याबाबत एका महिलेने मांजरी पोलीस ठाण्यात फिर्याद दिली आहे. या प्रकरणी दुचाकीस्वार चोरट्यांविरुद्ध गुन्हा दाखल करण्यात आला आहे. तक्रारदार ५२ वर्षीय महिला मांजरी परिसरात राहायला आहेत. २७ ऑगस्ट रोजी दुपारी दोनच्या सुमारास त्या मांजरीतील झेड काॅर्नर परिसरातून निघाल्या होत्या. त्या वेळी दुचाकीस्वार चोरट्यांनी त्यांच्या गळ्यातील एक लाख २० हजार रुपयांचे मंगळसूत्र हिसकावून नेले. पोलीस कर्मचारी प्रदीप सोनवणे तपास करत आहेत.
