विमानतळ पोलीस ठाण्यात गुन्हा दाखल
marathinews24.com
पुणे – Pune Crime News : फटाके उडविताना झालेल्या वादातून तरुणाला दांडक्याने मारहाण करण्यात आल्याची घटना विमाननगर भागात घडली. तरुणाचा खुनाचा प्रयत्न केल्या प्रकरणी पोलिसांनी तिघांना अटक केली. अमन शेख (वय २२ रा. कलवड वस्ती, लोहगाव रस्ता) असे गंभीर जखमी झालेल्याचे नाव आहे. याप्रकरणी राम नागनाथ नवले (वय १९), तेजस उमाकांत शिंदे (वय २०, दोघे रा. म्हाडा काॅलनी, विमाननगर), सम्यक संदीप साळवी (वय १८, रा. चौधरीनगर, विश्रांतवाडी) यांना अटक करण्यात आली. तर साथीदारांविरुद्ध गुन्हा दाखल केला आहे. अमन शेख याचे वडील समीर (वय ५०) यांनी विमानतळ पोलीस ठाण्यात फिर्याद दिली आहे.
चांदी शुद्ध करण्याच्या बहाण्याने ४५ लाखांची फसवणूक – सविस्तर बातमी
पोलिसांनी दिलेल्या माहितीनुसार, विमाननगर भागातील रोझ गार्डन सोसायटी रस्त्यावर ८ नोव्हेंबर रोजी रात्री अमन शेख आणि त्याचे मित्र फटाके उडवित होते. त्या वेळी आरोपी तेथून काही अंतरावर फटाके उडवित होते. Pune Crime News फटाके उडविण्यावरुन वाद झाल्याने आरोपींनी अमन याला दांडक्याने मारहाण केली. मारहाणीत तो गंभीर जखमी झाला. पोलीस उपनिरीक्षक क्षीरसागर तपास करत आहेत.
