पंचहौद मिशनजवळील भंडारी वाड्यातील घटना
marathinews24.com
पुणे – Pune Guruwar Peth Fire News : फटाक्यामुळे जुन्या वाड्याला आग लागल्याची घटना गुरुवार पेठेत मंगळवारी रात्री घडली. वाडा मोडकळीस आल्याने तेथे कोणी राहत नव्हते. अग्निशामक दलाच्या जवानांनी पाण्याचा मारा करुन आग आटोक्यात आणली. गुरुवार पेठेतील पंचहौद मिशनजवळ भंडारी वाडा आहे. हा वाडा मोडकळीस आला असून, तेथे कोणी वास्तव्यास नाही. मंगळवारी (१० नोव्हेंबर ) रात्री साडेदहाच्या सुमारास वाड्यातून मोठ्या प्रमाणावर धूर येत असल्याची माहिती या भागातील नागरिकांनी अग्निशामक दलाच्या मुख्य नियंत्रण कक्षाला दिली.
कौटुंबिक वादातून तरुणाचा खून – सविस्तर बातमी
आगीच्या घटनेची माहिती अग्निशामन दलाचे चार बंब घटनास्थळी दाखल झाले. वाडा धोकादायक झाल्याने याबाबतची माहिती महापालिकेच्या घरपडी विभागाला देण्यात आली. अरुंद गल्लीत दाट वस्तीत वाडा आहे. संभाव्य दुर्घटना विचारात घेऊन महावितरणच्या कर्मचाऱ्यांना तातडीने वीजपुरवठा खंडीत करण्याच्या सूचना देण्यात आल्या. जुन्या वाड्यात पेटता फटका पडल्याने आग लागल्याची माहिती मिळाली. अग्निशामन दलाचे अधिकारी संजय रामटेके, प्रशांत गायकर यांच्या मार्गदर्शनाखाली २० जवानांनी पाण्याचा मारा करुन अर्धा तासात आग आटाेक्यात आणली.
वाडा कोसळण्याची शक्यता असल्याने याबाबत माहिती वाड्याच्या मालकांना देण्यात आली. (Pune Guruwar Peth Fire News) वाड्यात कोणी राहत असल्याची माहिती अग्निशामक दलाच्या मुख्य नियंत्रण कक्षाकडून देण्यात आली. लक्ष्मीपूजनाच्या दिवशी सायंकाळी पाचनंतर शहर परिसरात मोठ्या प्रमाणावर आतषबाजी करण्यात आली. रविवारी (८ नाेव्हेंबर) दुपारी तीन ते सोमवारी (९ नाेव्हेंबर) सकाळी सातपर्यंत शहरातील वेगवेगळ्या भागांत ९४ ठिकाणी आग लागण्याच्या घटना घडल्या. सुदैवाने या घटनेत कोणी जखमी झाले नाही. अग्निशामक दलाच्या जवानांनी घटनास्थळी धाव घेऊन आग आटोक्यात आणली.
