महिलेसह साथीदाराविरुद्ध गुन्हा
marathinews24.com
पुणे – शहरातील सदाशिव पेठेतील ओैषध वितरकाची ३ कोटी ५४ लाख रुपयांची फसवणूक करण्यात आल्याचा प्रकार उघडकीस आला. याप्रकरणी एका महिलेसह साथीदाराविरुद्ध विश्रामबाग पोलिसांनी गुन्हा दाखल केला. सोनाली लक्ष्मण गिरीगोसावी (वय ४२, रा. अर्चना कोहिनूर ग्लोरी, महंमदवाडी, हडपसर), जयेश वसंत जैन (वय ४१, रा. भक्ती पुजा अपार्टमेंट, गुलटेकडी) अशी गुन्हा दाखल करण्यात आलेल्यांची नावे आहेत. याबाबत ओैषध वितरकाने विश्रामबाग पोलीस ठाण्यात फिर्याद दिली आहे.
महिलेची जमीन बळकाविण्याचा प्रयत्न; सराइताविरुद्ध गुन्हा – सविस्तर बातमी
पोलिसांनी दिलेल्या माहितीनुसार, तक्रारदार ओैषध वितरकाचे सदाशिव पेठेत दुकान आहे. आरोपींनी ओैषध वितरकाकडून २०२४ मध्ये ३ कोटी ५४ लाख रुपयांची ओैषधे खरेदी केली होती. ओैषध खरेदी व्यवहारातील पैसे नंतर देतो, असे सांगितले होते. ओैषध घेतल्यानंतर आरोपींनी त्यांना पैसे परत केले नाही. फसवणूक झाल्याचे उघडकीस आल्यानंतर वितरकाने नुकतीच पोलिसांकडे फिर्याद दिली. सहायक पोलीस निरीक्षक जानराव तपास करत आहेत.
