सिंहगड रस्ता पोलीस ठाण्यात गुन्हा दाखल
marathinews24.com
पुणे – महिलेची जमीन बळकाविण्याचा प्रयत्न केल्या प्रकरणी सराइताविरुद्ध सिंहगड रस्ता पोलिसांनी गुन्हा दाखल केला. याबाबत महिलेने सिंहगड रस्ता पोलीस ठाण्यात फिर्याद दिली आहे. त्यांनी दिलेल्या फिर्यादीनुसार, वाघू तुकाराम हळंदे (रा. वारजे) याच्यासह साथीदारांविरुद्ध गुन्हा दाखल करण्यात आला आहे.
पुणे महापालिका निवडणुकीच्या पार्श्वभूमीवर पोलिसांचा कडक बंदोबस्त – सविस्तर बातमी
पोलिसांनी दिलेल्या माहितीनुसार, तक्रादार महिला धनकवडीतील आंबेगाव पठार परिसरात राहायला आहेत. महिलेच्या पतीचे निधन झाले आहे. महिलेच्या पतीने एकाकडून वडगाव बुद्रुक भागातील सिंहगड महाविद्यालयाच्या परिसरातील ८५० चौरस फूट जागा एकाकडून खरेदी केली होती. खरेदीचा कायदेशीर व्यवहार झाला होता. गुंड गजानन उर्फ गजा मारणे टोळीतील सराइत हळंदे याने जमीन बळाकविण्याचा प्रयत्न केला. महिला आणि तिच्या कुटुंबीयांना तेथे येण्यास मनाई केली. जीवे मारण्याची धमकी दिली, असे महिलेने फिर्यादीत म्हटले आहे. गुन्हे शाखेच्या युनिट तीनचे वरिष्ठ पोलीस निरीक्षक राम राजमाने तपास करत आहेत.
