नीलच्या यशामुळे महाराष्ट्रासह देशाचे नाव
marathinews24.com
पुणे – अतिशय कमी वयात म्हणजेच दीड वर्षाच्या नील निखिल भालेरावने 2 मिनिट 53 सेकंदात जगातील सुमारे 45 कार ब्रँडची ओळख देत ‘इंडिया बुक ऑफ रेकॉर्ड्स’ मध्ये नोंद केली आहे. नील भालेरावने केलेला विक्रम हा केवळ आकड्यांपुरता मर्यादित न राहता भविष्यातील त्याच्या आणखीन प्रयत्नांकडे लक्ष वेधणारा आहे.
खेळणं आणि बागडणं अशा लहान वयात फक्त स्मरण शक्तीद्वारे नावे लक्षात ठेवत नीलने कमाल केली आहे. हेच आत्मविश्वासाने सादर करणे ही बाब उल्लेखनीय असल्याने त्याचे सर्वत्र कौतुक केले जात आहे. इंडिया बुक ऑफ रेकॉर्ड्समध्ये नोंद होणे ही अभिमानाची बाब आहे. लहान वयात नोंद झाली असून त्याचे महत्व अधिक वाढले आहे.
नीलच्या जिद्दीबरोबरच त्याचे पालक आई प्रेरणा भालेराव आणि वडील निखिल भालेराव यांचे मार्गदर्शन, सयंम आणि प्रोत्साहन ही महत्त्वाचे ठरले आहे. एवढ्या लहान मुलांमधील गुण ओळखून योग्य दिशेने प्रोत्साहन दिल्यास तो मोठ्या उंचीवर पोहोचू शकतो. नीलच्या यशामुळे महाराष्ट्रासह देशाचे नाव उंचावले आहे.
