भारतीय हत्यार अधिनियमानुसार गुन्हा दाखल
marathinews24.com
पुणे – दहशतीसाठी गावठी कट्टा बाळगणार्या आरोपीला भारती विद्यापीठ पोलिसांनी अटक केली आहे. त्याच्याकडून गावठी कट्ट्यासह जिवंत काडतुस असा ५० हजारांचा शस्त्रसाठा जप्त केला आहे. अभिषेक कैलास दांगट (वय १९, रा. वृंदावन विश्व, तानाजी नवले इंडस्ट्रीज नर्हे रोड ) असे अटक केलेल्याचे नाव आहे. याप्रकरणी त्याच्याविरूद्ध भारतीय हत्यार अधिनियमानुसार गुन्हा दाखल करण्यात आला आहे.
बापच ठरला लेकीसाठी नराधम – सविस्तर बातमी
भारती विद्यापीठ पोलीस ठाण्याचे पथक ८ जानेवारीला हद्दीत पेट्रोलिंग करीत होते. त्यावेळी अंमलदार मितेश चोरमोले, सागर बोरगे, अभिनय चौधरी यांना राजमाता उद्यानासमोर एकजण गावठी कट्टा घेउन थांबल्याची माहिती मिळाली. पथकाने त्याठिकाणी धाव घेउन अभिषेक दांगट याला ताब्यात घेतले. त्याच्याकडून गावठी कट्टा, काडतुस जप्त केले. ही कामगिरी उपायुक्त मिलींद मोहीते, एसीपी राहुल आवारे, वरिष्ठ पोलीस निरीक्षक राहुल खिलारे,उपनिरीक्षक निलेश मोकाशी, अण्णा दराडे, सचिन सरपाले, महेश बारवकर, मंगेश पवार, निलेश खैरमोडे, मंगेश गायकवाड, किरण साबळे, तुकाराम सुतार, संदीप आगळे यांनी केली.
