काळभोर पोलीस ठाण्यात दाखल केली तक्रार
marathinews24.com
पुणे – शेतकऱ्याला महिला आयोगाच्या कारवाईची भिती दाखवत ६ लाखाची खंडणी उकळल्याप्रकरणी तोतया महिला वकिलाला लोणी काळभोर पोलिसांनी नुकीच अटक केली आहे. या तोतया महिला वकिलावर आणखी एक फसवणूकीचा गुन्हा दाखल झाला आहे. स्नेहल हरिश्चंद्र कांबळे ( ३२, रा. लोणी काळभोर) असे तोताया वकील महिलेचे नाव आहे. याप्रकरणी ५४ वर्षीय महिलेने लोणी काळभोर पोलीस ठाण्यात तक्रार दाखल केली आहे.
बनावट कागदत्रांद्वारे शस्त्र परवाना, हगवणे बंधूंवर गुन्हा – सविस्तर बातमी
पोलिसांनी दिलेल्या माहितीनुसार आरोपी कांबळेने तक्रारदार महिलेकडून १ लाख १३ हजार उकळले आहेत. महिलेला तुमचा जावई गुन्हा दाखल करणार आहे अशी भिती दाखवण्यात आली होती. या गुन्हयात तुम्हाला अटक होईल असे सांगत वारंवार पैशाची मागणी केली. पैसे न दिल्यास न्यायालयातून तुमच्या नावाने वॉरंट निघेल मग तुम्हाला अटक होईल असे भासवले होते. या भितीमुळे फिर्यादी महिलेने तीला पैसे दिले. तोतया वकिल महिलेने एका शेतकऱ्याला ५ लाख ९४ हजाराचा गंडा घातला होता. त्याप्रकरणी ती लोणी काळभोर पोलिसांच्या अटकेत आहे.
