गुंड टाेळीच्या म्होरक्याला अटक
marathinews24.com
पुणे – मैत्रिणीवरुन झालेल्या वादातून सराइतांनी एका तरुणावर कोयत्याने वार करण्याची घटना घडली. पसार झालेल्या गुंडाला गुन्हे शाखेच्या पथकाने वानवडी परिसरात पाठलाग करुन पकडले. आकाश दत्ता चांदणे (वय २८,, रा. महादेववाडी, खडकी) असे अटक करण्यात आलेल्याचे नाव आहे. चांदणे टोळीने २९ जून रोजी खडकीतील पत्रा चाळ परिसरात राहुल पिवाल याच्यावर कोयत्याने वार केले होते. मैत्रिणीवरुन वाद झाल्याने चांदणे टोळीने पत्रा चाळ परिसरात दहशत माजविली होती. खुनाचा प्रयत्न केल्या प्रकरणी खडकी पोलिसांनी चौघांना अटक केली होती.
ऑनलाइन खेळणी खरेदी महागात – सविस्तर बातमी
चांदणे टोळीचा म्होरक्या आकाश चांदणेसह तिघे जण पसार झाले होते. गुन्हे शाखेच्या युनिट चारचे पथक गस्त घालत होते. त्या वेळी चांदणे हा वानवडी परिसरात येणार असल्याची माहिती तपास पथकातील पोलीस कर्मचारी शशांक डोंगरे यांना मिळाली. त्यानंतर पोलिसांच्या पथकाने सापळा लावला. वानवडीतील हेवन सोसायटी परिसरात चांदणे आला. पोलिसंना पाहताच तो पळाला. पोलिसांनी पाठलाग करुन त्याला पकडले. वरिष्ठ पोलीस निरीक्षक कांचन जाधव, वैभव मगदूम, उपनिरीक्षक दिग्विजय चौगले, हवालदार जहाँगीर पठाण, शशांक डोंगरे, वैभव रणपिसे, विशाल इथापे यांनी ही कारवाई केली.
