नऱ्हे पोलीस ठाण्यात गुन्हा दाखल
marathinews24.com
पुणे – पार्टटाईम नोकरी मिळवून देण्याच्या आमिषाने सायबर चोरट्यांनी तरूणाला तब्बल ६ लाख ६७ हजारांचा ऑनलाईन गंडा घातला आहे. ही घटना २२ ते २४ ऑक्टोबर २०२५ कालावधीत सिंहगड रोड परिसरात घडली आहे. याप्रकरणी ३१वर्षीय तरूणाने नर्हे पोलीस ठाण्यात फिर्याद दाखल केली आहे. त्यानुसार मोबाइलधारक आणि टेलीग्रामधारकाविरूद्ध गुन्हा नोंदवण्यात आला आहे.
पुण्यातील बुलेटराजा कारवाईच्या कचाट्यात – सविस्तर बातमी
पोलिसांनी दिलेल्या माहितीनुसार, तक्रारदार तरूण सिंहगड रस्ता परिसरात राहायला असून, २२ ऑक्टोबर २०२५ मध्ये सायबर चोरट्यांनी त्याला संपर्क केला होता. टेलीग्रॅम अॅपद्वारे संपर्क साधून त्याला एका गु्रपमध्ये समाविष्ट करण्यात आले. त्यानंतर सायबर चोरट्यांनी तरूणाला पार्ट टाईम जॉब देण्याची बतावणी केली. टास्क करण्याच्या माध्यमातून त्याला किरकोळ परतावा देण्यात आला. विश्वास संपादित केल्यानंतर सायबर चोरट्यांनी तरूणाकडून तब्बल ६ लाख ६७ हजार रूपये ऑनलाईनरित्या वर्ग करून घेतले. फसवणूक झाल्याचे लक्षात आल्यानंतर तरूणाने पोलीस ठाण्यात धाव घेतली. याप्रकरणी वरिष्ठ पोलीस निरीक्षक आसाराम शेटे तपास करीत आहेत.
