तक्रारदाराला ३ लाख रुपये मिळवून दिले
marathinews24.com
पुणे – पॉलिसी रकमेचे आमिष दाखवून सायबर चोरट्यांनी तक्रारदाराची ६ लाख ७० हजारांची ऑनलाईनरित्या फसवणूक केली होती. मात्र, याप्रकरणी बाणेर पोलिसांनी तत्परता दाखवल्यामुळे संबंधित ३ लाख ३ हजारांची रक्कम बँकखात्यात गोठवण्यात आली आहे. कायदेशीर प्रक्रिया राबवून तक्रारदाराला ही रक्कम परत मिळवून देण्यात आल्यामुळे त्याने पोलिसांच्या कामगिरीचे कौतुक केले आहे.
ट्रेडिंगमध्ये गुंतवणुकीचे आमिष, ३१ लाखांची फसवणूक – सविस्तर बातमी
सायबर चोरट्यांनी तक्रारदाराला पॉलिसीचे आमिष दाखवून पावणे ७ लाख रुपयांचा गंडा घातला होता. बाणेर पोलिसांच्या सायबर तपास पथकाने गोल्डन अव्हरर्समध्ये संबंधित बँकेसह वित्तीस संस्थेकडे तत्काळ पत्रव्यवहार केला. पाठपुरावा करीत केंद्र सरकारच्या एमआरएम पोर्टलवर तातडीने कार्यवाही केली. त्यानुसार विविध बँकखात्यात वर्ग झालेली ३ लाख ३ हजारांची रक्कम गोठवली. रक्कम नुकतीच तक्रारदाराला मिळवून दिली. ही कामगिरी उपायुक्त चिलुमूला रजनीकांत, वरिष्ठ पोलीस निरीक्षक चंद्रशेखर सावंत, पोलीस निरीक्षक विजय खिल्लारे, एपीआय नंदकुमार कदम, एएसआय शिंदे, दत्ता काळे, योगिता मिसाळ यांनी केली.
येरवडा पोलिसांमुळे वाचले १२ लाख रुपये
डिजीटल अरेस्ट करण्याची धमकी देऊन तक्रारदाराकडून बँक खात्याची गोपनीय माहिती घेत तब्बल १२ लाख ५० हजार रुपये वर्ग करण्याचा सायबर चोरट्यांचा डाव येरवडा पोलिसांनी उधळून लावला आहे. पोलीस असल्याची बतावणी करीत संबंधितांनी तक्रारदाराला तुमचे एटीएम कार्ड आरोपीकडे मिळाल्याचे सांगितले. तुमच्यावर गुन्हा दाखल झाला असून, अटक टाळायची असल्यास बँकखात्याची माहिती द्या, नाहीतर डिजीटल अरेस्ट करुन अशी धमकी दिली.
तक्रारदाराने येरवडा ठाण्यात धाव घेत माहिती दिली. पोलिसांनी तत्काळ बँकखाते ब्लॉक केल्यामुळे तरुणाने १२ लाख ५० हजार रुपये वाचले आहेत. ही कामगिरी वरिष्ठ पोलीस निरीक्षक उमेश गित्ते, पोलीस निरीक्षक शारदा कोकाटे, पोलीस निरीक्षक केशव दिंडे, उपनिरीक्षक गणेश राठोड, समीर पिलाणे, मनोज भागवत, रोहिणी भोकसे, मीनाक्षी कापडे यांनी केली.
