बाणेर पोलीस ठाण्यात गुन्हा दाखल
marathinews24.com
पुणे – स्टॉक ट्रेडिंगमध्ये गुंतवणूक केल्यास जास्त परतावा देण्याचे आमिष दाखवत सायबर चोरट्यांनी ज्येष्ठ नागरिकाची ३१ लाख ४८ हजार २८५ रुपयांची फसवणूक केली आहे. ही घटना १ ते १९ सप्टेंबर २०२६ कालावधीत बाणेर रोड परिसरात घडली आहे. याप्रकरणी महेश लालजीभाई पटेल (वय ७८, रा. बाणेर रोड) यांनी बाणेर पोलीस ठाण्यात फिर्याद दाखल केली आहे. त्यानुसार मोबाइलधारक, बँकखाते धारकाविरुद्ध गुन्हा दाखल केला आहे.
मोबाइल स्वीच ऑफ झाला अन ६ लाख गेले – सविस्तर बातमी
पोलिसांनी दिलेल्या माहितीनुसार, तक्रारदार पटेल हे बाणेर रोड परिसरात राहायला असून, १ सप्टेंबरला सायबर चोरट्यांनी फोन केला. एचएसबीसी सिक्युरिटी प्रा. लि. कंपनीतून बोलत असल्याची बतावणी केली. स्टॉक ट्रेडिंगमध्ये गुंतवणूक केल्यास चांगला परतावा मिळेल असे आमिष सायबर चोरांनी त्यांना दाखवले. जास्त परताव्याच्या आमिषाला बळी पडत पटेल यांनी ३१ लाख ४८ हजारांची गुंतवणूक केली. त्यानंतर कोणताही परतावा अथवा मूळ रक्कम परत न मिळाल्याने त्यांना फसवणूक झाल्याचे लक्षात आले. त्यानुसार पटेल यांनी बाणेर पोलीस ठाण्यात धाव घेतली. पोलीस निरीक्षक विजय खिल्लारे करत आहेत.
