बकोरी रस्ता, वाघोली परिसरातील घटना
marathinews24.com
पुणे – भरधाव डंपरच्या धडकेत दुचाकीस्वाराचा मृत्यू झाल्याची घटना नगर रस्त्यावर घडली. याप्रकरणी डंपर चालकाविरुद्ध वाघोली पोलिसांनी गुन्हा दाखल केला. देवेंद्रराम शेट्टी (वय ४०, रा. कल्पतरु पार्क, बकोरी रस्ता, वाघोली) असे मृत्युमुखी पडलेल्याचे नाव आहे. शेट्टी यांचा भाऊ मंजुनाथ (वय ३५) यांनी वाघोली पोलीस ठाण्यात फिर्याद दिली आहे. त्यांनी दिलेल्या फिर्यादीनुसार, डंपर चालकाविरुद्ध गुन्हा दाखल करण्यात आला आहे.
आरटीओचे बनावट चलन पाठवून केली फसवणूक – सविस्तर बातमी
पोलिसांनी दिलेल्या माहितीनुसार, दुचाकीस्वार देवेंद्र हे पुणे-अहिल्यानगर मार्गावरुन ३ डिसेंबर रोजी रात्री साडेदहाच्या सुमारास निघाले होते. केसनंद फाटा परिसरात भरधाव डंपरने दुचाकीस्वार देवेंद्र यांना धडक दिली. अपघातात गंभीर जखमी झालेल्या देवेंद्र यांना तातडीने रुग्णालयात दाखल करण्यात आले. उपचारांपूर्वीच त्यांचा मृत्यू झाला. अपघातानंतर पसार झालेल्या डंपरचालकाचा शोध घेण्यात येत असून, पोलिसांनी केसनंद फाटा परिसरातील सीसीटीव्ही चित्रीकरण तपासले आहे. पोलीस उपनिरीक्षक शिवशंकर राघू तपास करत आहेत.
