सायबर चोरट्यांविरुद्ध गुन्हा
marathinews24.com
पुणे – प्रादेशिक परिवहन विभागाकडून (आरटीओ) दंडात्मक कारवाई करण्यात आल्याचे बनावट ई-चलन पाठवून एकाची २ लाख ६० हजार रुपयांची फसवणूक करण्यात आल्याचा प्रकार उघडकीस आला. याप्रकरणी सायबर चोरट्यांविरुद्ध भारती विद्यापीठ पोलिसांनी गुन्हा दाखल केला. याबाबत एकाने भारती विद्यापीठ पोलीस ठाण्यात फिर्याद दिली आहे.
कोंढव्यात टोळक्याकडून तोडफोड – सविस्तर बातमी
पोलिसांनी दिलेल्या माहितीनुसार, तक्रारदार हे कात्रजमधील खोपडेनगर भागात राहायला आहेत. सायबर चोरट्यानी त्यांच्या मोबाइल क्रमांकावर ‘आरटीओ’च्या नावे दंडात्मक कारवाईचे बनावट चलन पाठविले होते. हे चलन एपीके फाईलच्या माध्यमातून पाठविण्यात आले होते. तक्रारदाराने ही एपीके फाईल उघडली. सायबर चोरट्यांनी त्यांच्याकडील आधारकार्ड, बँक खात्याची गोपनीय माहिती चोरली. या माहितीचा गैरवापर करुन बँक खात्यातून दोन लाख ६० हजार रुपयांची रोकड चोरून नेली. वरिष्ठ पोलीस निरीक्षक राहुल खिलारे तपास करत आहेत.
