स्वारगेट पोलीस ठाण्यात गुन्हा दाखल
marathinews24.com
पुणे – उड्डाणपुलावर दुचाकीच्या धडकेत दुचाकीस्वाराचा मृत्यू झाल्याची घटना गुलटेकडीत घडली. गेल्या १५ दिवसात गुलटेकडीतील उड्डाणपुलावर झालेल्या वेगवेगळ्या अपघातात दोन दुचाकीस्वारांचा मृत्यू झाला आहे. गोरक्षनाथ नानासाहेब अरगडे (वय ४०, रा. पद्मावती) असे मृत्युमुखी पडलेल्या दुचाकीस्वाराचे नाव आहे.
तुळशीबागेत महिलेच्या पिशवीतून रोकड चोरीला – सविस्तर बातमी
दुचाकीस्वाराविरुद्ध गु्न्हा दाखल करण्यात आला आहे. याबाबत एकाने स्वारगेट पोलीस ठाण्यात फिर्याद दिली आहे. पोलिसांनी दिलेल्या माहितीनुसार, दुचाकीस्वार अरगडे हे १७ ऑक्टोबर रोजी मध्यरात्री साडेबाराच्या सुमारास गुलटेकडीतील उड्डाणपुलावरुन निघाले होते. त्यावेळी भरधाव दुचाकीने दुचाकीस्वार अरगडे यांना धडक दिली. अरगडे यांच्या डोक्याला गंभीर दुखापत झाली. उपचारांदरम्यान त्यांचा मृत्यू झाला. पोलीस उपनिरीक्षक स्मिता पाटील तपास करत आहेत.
