कोथरूड पोलीस ठाण्यात गुन्हा दाखल
marathinews24.com
पुणे – कोथरूड भागात सदनिकेतून चोरट्यांनी आठ लाख दहा हजार रुपयांचा ऐवज लांबविल्याची घटना उघडकीस आली. याप्रकरणी चोरट्यांविरुद्ध कोथरूड पोलिसांनी गुन्हा दाखल केला. महिलेने कोथरूड पोलीस ठाण्यात फिर्याद दिली आहे.
फटाके वाजवताना वाद; तरुणावर शस्त्राने वार – सविस्तर बातमी
पोलिसांनी दिलेल्या माहितीनुसार, तक्रारदार महिला कोथरूडमधील लोकमान्य काॅलनीत एका सोसायटीत राहायला आहे. सदनिकेचा दरवाजा उघडा असल्याची संधी साधून चोरट्यांनी शयनगृहातील कपाट उचकटून आठ लाख दहा हजार रुपयांचा ऐवज लांबविला. लक्ष्मीपूजनाच्या पूजेत दागिने मांडण्यात येणार असल्याने महिलेने कपाटातील कप्पा उघडला. तेव्हा दागिने चोरीला गेल्याचे लक्षात आले. दागिने चोरणारा चोरटा माहितगार असल्याचा संशय पोलिसांनी व्यक्त केला आहे. पोलीस कर्मचारी माळी तपास करत आहेत.
