चंदननगर पोलीस ठाण्यात गुन्हा दाखल
marathinews24.com
पुणे – घराच्या दरवाजाचे कुलूप तोडून चोरट्यांनी रोकडसह सोन्या-चांदीचे दागिने मिळून ४७ हजारांचा ऐवज चोरून नेला आहे. ही घटना ३ डिसेंबरला सकाळी साडेआठ ते संध्याकाळी साडेसहाच्या सुमारास वडगाव शेरीतील साईनाथनगरात घडली आहे. याप्रकरणी विकास गायकवाड यांनी चंदननगर पोलीस ठाण्यात फिर्याद दाखल केली आहे. त्यानुसार अज्ञात चोरट्यांविरूद्ध गुन्हा दाखल केला आहे.
कोंढवा परिसरात साडेपाच लाखांची घरफोडी – सविस्तर बातमी
पोलिसांनी दिलेल्या माहितीनुसार, तक्रारदार विकास गायकवाड हे साईनाथनगरात राहायला असून, ३ डिसेंबरला सकाळी ते कुटूंबियासह बाहेर गेले होते. त्यावेळी चोरट्यांनी त्यांच्या बंद घराचे कुलूप तोडून आतमध्ये प्रवेश केला. कपाटातील ३० हजारांची रोकड आणि सोन्या-चांदीचे दागिने असा ४७ हजारांचा ऐवज चोरून नेला. संध्याकाळच्या सुमारास विकास हे घरी आल्यानंतर त्यांना चोरी झाल्याचे दिसून आले. त्यानंतर त्यांनी पोलीस ठाण्यात धाव घेत तक्रार दाखल केली. याप्रकरणी सहायक पोलीस निरीक्षक विकास बाबर तपास करीत आहेत.
