आरोपीला बेड्या, ५ गाड्या जप्त
marathinews24.com
पुणे – सोशल मीडियाद्वारे मोटारींना जादा भाडे मिळवून देण्याची जाहिरात करून अनेकांना गंडा घालणार्या आरोपीला कोरेगाव पार्क पोलिसांनी अटक केली आहे. त्याच्याकडून ५ गाड्या जप्त करण्यात आल्या आहेत. सुमित सुनिल कवडे (वय २७, रा. कवडेवाडी, कोरेगांव पार्क) असे अटक केलेल्या आरोपीचे नाव आहे.
महिलेचा शारिरिक आणि मानसिक छळ, गुन्हा दाखल – सविस्तर बातमी
गुन्हातील आरोपी हा सोशल मिडीयावर जहीरातीद्वारे गाडी मालकांना जास्त परतावा देण्याचे आमिष दाखवुन त्यांची चारचाकी गाडी देण्यास भाग पाडत होता.त्यानंतर गाडी मालकाला कोणताही मोबदला अथवा गाडी परत न देता स्वतः गाडीचा वापर करीत होता. याप्रकरणी गुन्हा दाखल होताच पोलिसांनी आरोपी सुमित सुनिल कवडे याला अटक केली. ही कामगिरी उपायुक्त मिलींद मोहिते, एसीपी संगीता अल्फान्सो शिंदे, वरिष्ठ निरीक्षक संगीता जाधव, एपीआय जितेंद्र खैरना, उपनिरीक्षक नरेंद्र शिंदे, प्रविण पडवळ, सचिन पवार, राहुल मोकाशी, गौरव म्हस्के, राहुल वेताळ, अंकुश खंनसोळे, प्रदिप ठाकुर, सुनिल मारकड यांनी केली.
अनेकांना गंडा, फसवणूक केल्याचा संशय
आरोपीने बर्याच लोकांची अशाच पद्धतीने फसवुणक केली असल्याचे तपासात निष्पन्न झाले आहे. संबंधित फसवणुक केलेल्या गाड्यांबाबत तपास सुरू आहे. आरोपीविरुद्ध फसवणूक केलेबाबत कोरेगाव पार्क पोलीस ठाण्यात दोन गुन्हे दाखल आहेत. गुन्हयाचा पुढील तपास पोलीस उपनिरीक्षक नरेंद्र शिंदे करीत आहेत.
