दाेघांविरुद्ध गुन्हा दाखल
marathinews24.com
पुणे – शाळेत झालेल्या भांडणातून एका मुलावर तीक्ष्ण शस्त्राने वार करण्यात आल्याची घटना कोथरूड भागात घडली. या प्रकरणी दाेघांविरुद्ध गुन्हा दाखल करण्यात आला आहे. याबाबत बलराम हनुमंत लोखंडे (वय २४, रा. पांडुरंग काॅलनी, सुतारदरा, कोथरूड) याने कोथरूड पोलीस ठाण्यात फिर्याद दिली आहे. त्याने दिलेल्या फिर्यादीनुसार, दोघांविरुद्ध गुन्हा दाखल करण्यात आला आहे.
हेल्मेटविना दुचाकी चालवाल तर कारवाईला सामोरे जा – सविस्तर बातमी
पोलिसांनी दिलेल्या माहितीनुसार, लोखंडे याचा लहान भाऊ कल्याण हा १७ जानेवारी रोजी सायंकाळी साडेपाचच्या सुमारास कोथरूड परिसरातून निघाला होता. कल्याणी हा कोथरूडमधील एका शाळेत दहावीत आहे.स्वामी समर्थ मठाजवळ दोघांनी कल्याण याला अडवले. शाळेत झालेल्या भांडणातून दोघांनी त्याला शिवीगाळ करुन मारहाण करण्यास सुरुवात केली. आरोपींनी कल्याण याच्यावर तीक्ष्ण शस्त्राने वार केले. वरिष्ठ पोलीस निरीक्षक संदीप देशमाने यांनी घटनास्थळी भेट दिली. पसार झालेल्या आरोपींचा शोध घेण्यात येत आहे. पोलीस उपनिरीक्षक काळे तपास करत आहेत.
