तपास ठरला महत्वपूर्ण ; बीड पोलिसांच्या कामगिरीचे कौतुक
marathinews24.com
बीड (अनंत जाधव) – चिमुकलीवर अत्याचार करणाऱ्या नराधमाला न्यायालयाने २० वर्षे कारावसाची शिक्षा सुनावली आहे. याबाबत बीड पोलिसांनी केलेला तपास महत्वपूर्ण ठरला आहे. गेवराई तालुक्यातील तलवाडा पोलीस ठाण्याच्या हद्दीतील रामपुरी येथे दि. ४ मे २०२२ रोजी सहा वर्षीय चिमुकलीवर अत्याचार प्रकरणी तलवाडा पोलीस ठाण्यात गुन्हा दाखल करण्यात आला होता. गुन्ह्याचा तपास पिंक पथकाच्या महिला पोलीस उपनिरीक्षक अर्चना भोसले यांनी केला होता.
एमडीला प्रवेश मिळवून देण्याच्या बहाण्याने डॉक्टरांची फसवणूक – सविस्तर बातमी
पोलिसांनी दाखल केलेल्या दोषारोपत्रातील सर्व साक्षीदार तसेच तपास कामी गोळा केलेले सर्व पुरावे यावरून गुन्ह्यातील मुख्य आरोपी सुंदर निवृत्ती तायड, (वय ३४ रा. रामपुरी ता. गेवराई ) याला सत्र न्यायालय, बीड यांनी दि. १२ जानेवारी २०२६ रोजी २० वर्ष कारवास आणि दहा हजार रुपये दंड अशी शिक्षा सुनावली आहे. या गुन्ह्यात सहायक पोलिस निरीक्षक। मनोज निलंगेकर यांच्या मार्गदर्शनाखाली कोर्ट पैरवी म्हणून महिला पोलीस हवालदार गव्हाणे मॅडम यांनी मोलाची कामगिरी केली आहे. चिमुकलीवर झालेल्या अत्याचार प्रकरणी अखेर पोलिसांनी केलेल्या तपासाला यश मिळाले असून चिमुकलीला न्याय मिळवून देण्याचे काम बीड पोलिसांनी केले आहे.
निकालामुळे बीड पोलिसांवरील विश्वास मजबूत झाला आहे. ही।कामगिरी कामगिरी पोलीस अधीक्षक नवनीत काँवत, अपर पोलीस अधीक्षक सचिन पांडकर, उपविभागीय पोलीस अधिकारी अनिल कटके यांच्या मार्गदर्शनाखाली पथकाने केली. मदतनीस म्हणून सहायक पोलीस फौजदार भगवान खाडे, पोह. महेश झिकरे, अंमलदार ज्योती साळुंखे या टीमने मदत केली होती. गुन्ह्याचा सखोल तपास करून आरोपी यांच्याविरुद्ध गुन्ह्याचे दोषारोप पत्र सत्र न्यायालय बीड येथे दाखल करण्यात आले होते.
