चोरट्यांविरुद्ध गुन्हा दाखल
marathinews24.com
पुणे – दागिने पाॅलीश करून देण्याच्या बतावणीने चोरट्यांनी ज्येष्ठ महिलेकडील १ लाख ८० हजार रुपयांच्या सोन्याच्या बांगड्या चोरून नेल्याची घटना दांडेकर पूल परिसरात घडली. चोरट्यांविरुद्ध गुन्हा दाखल करण्यात आला आहे. याबाबत एका Stomach महिलेने पर्वती पोलीस ठाण्यात फिर्याद दिली आहे.
कात्रज, मांजरी भागात घरफोडी – सविस्तर बातमी
पोलिसांनी दिलेल्या माहितीनुसार, तक्रारदार ज्येष्ठ महिला दांडेकर पूल परिसरात राहायला आहेत. त्या रविवारी (२१ डिसेंबर) दुपारी साडेबाराच्या सुमारास दांडेकर पूल परिसरातून निघाल्या होत्या. जय महाराष्ट्र मंडळाजवळ तीन चोरट्यांनी त्यांना अडवले आणि दागिने पाॅलीश करुन देण्याची बतावणी केली. चोरट्यांनी त्यांच्याकडील एक पितळ्याच्या वस्तूवर द्रवपदार्थ ओतला. पितळ्याची वस्तू चमकायला लागली. ज्येष्ठ महिलेकडील सोन्याच्या दोन बांगड्या चोरट्यांनी मागितल्या. पाॅलीश करण्याचा बहाणा करुन चोरटे १ लाख ८० हजार रुपयांच्या सोन्याच्या बांगड्या लांबवून पसार झाले. सहायक पोलीस निरीक्षक महाले तपास करत आहेत.
