कात्रज चौकात डंपरच्या धडकेत ज्येष्ठ महिलेचा मृत्यू

डंपरचालकाविरुद्ध भारती विद्यापीठ पोलीस ठाण्यात गुन्हा दाखल

marathinews24.com

पुणे – कात्रज चौकात भरधाव डंपरच्या धडकेत पादचारी ज्येष्ठ महिलेचा मृत्यू झाल्याची घटना घडली. या प्रकरणी डंपरचालकाविरुद्ध भारती विद्यापीठ पोलिसांनी गुन्हा दाखल केला. कमल साहेबराव दरेकर (वय ८०, रा. खंडाळा, जि. सातारा) असे मृत्युमुखी पडलेल्या ज्येष्ठ महिलेचे नाव आहे. याबाबत दरेकर यांचा नातू शुभम (वय ३२) यांनी भारती विद्यापीठ पोलीस ठाण्यात फिर्याद दिली आहे.

फुकट गोवऱ्या-लाकडे दिल्याच्या रागातून स्मशानभूमीतील कर्मचाऱ्यावर सत्तूरने हल्ला – सविस्तर बातमी 

पोलिसांनी दिलेल्या माहितीनुसार, कमल दरेकर या शुक्रवारी (१३ मार्च) सकाळी साडेअकराच्या सुमारास कात्रज चौकातून निघाल्या होत्या. त्या वेळी भरधाव डंपरने त्यांंना धडक दिली. अपघातात गंभीर जखमी झालेल्या दरेकर यांना तातडीने खासगी रुग्णालयात दाखल करण्यात आले. उपचारांपूर्वीच त्यांचा मृत्यू झाल्याचे डाॅक्टरांनी सांगितले. सहायक पोलीस निरीक्षक स्नेहल थोरात तपास करत आहेत.