अग्निशमन दलाच्या जवानांनी आग आणली आटोक्यात
marathinews24.com
पुणे – लक्ष्मी रस्त्यावरील विजय मारुती चौक परिसरात असलेल्या जुन्या लाकडी वाड्याला मध्यरात्री आग लागल्याची घटना घडली. अग्निशमन दलाच्या जवानांनी घटनास्थळी धाव घेऊन आग आटोक्यात आणली.
सदाशिव पेठेतील ओैषध वितरकाची साडेतीन कोटींची फसवणूक – सविस्तर बातमी
विजय मारुती चौकात जुना लाकडी वाडा आहे. मध्यरात्री वाड्यातून मोठ्या प्रमाणावर धूर येत असल्याची माहिती नागरिकांनी अग्निशमन दलाला कळविली. या घटनेची माहिती मिळताच अग्निशमन दलाचे तीन बंब, टँकर घटनास्थळी दाखल झाले. अग्निशमन अधिकारी कमलेश चौधरी यांच्या मार्गदर्शनाखाली जवानांनी पाण्याचा मारा करुन पंधरा ते वीस मिनिटात आग आटाेक्यात आणली. सुदैवाने या घटनेत कोणी जखमी झाले नाही. आगीमागचे कारण समजू शकले नाही, अशी माहिती अग्निशमन अधिकारी कमलेश चौधरी यांनी दिली.
