लोणी काळभोरमधील घटना
marathinews24.com
पुणे – सोसायटीच्या आवारात खेळणाऱ्या पाच वर्षांच्या बालकाचा मोटारीच्या धडकेत मृत्यू झाल्याची घटना लोणी काळभोर भागात घडली. या प्रकरणी मोटार चालकाविरुद्ध गुन्हा दाखल करण्यात आला.
निष्कर्ष आश्वत स्वामी (वय ५) असे मृत्यमुुखी पडलेल्या बालकाचे नाव आहे. याबाबत निष्कर्षचे वडील आश्वत नारायण स्वामी (वय ४०,रा. जाॅय नेस्ट सोसायटी, लोणी काळभोर) यांनी लोणी काळभोर पोलीस ठाण्यात फिर्याद दिली आहे. त्यांनी दिेलेल्या फिर्यादीनुसार मोटार चालकाविरुद्ध गुन्हा दाखल करण्यात आला आहे.
शेतात कापूस वेचणाऱ्या विवाहितेचा विनयभंग – सविस्तर बातमी
पोलिसांनी दिलेल्या माहितीनुसार, आश्वत स्वामी यांचा मुलगा निष्कर्ष याला घेऊन सासू सरस्वती रेड्डी या सोमवारी (१९ जानेवारी) दुपारी साडेतीनच्या सुमारास सोसायटीच्या आवारात आल्या होत्या. सोसायटीच्या आवारात निष्कर्ष खेळत होता. त्या वेळी सोसायटीच्या आवारात मोटारीने निष्कर्षला धडक दिली. अपघातात गंभीर जखमी झालेल्या निष्कर्षला तातडीने खासगी रुग्णालयात दाखल करण्यात आले. उपचारांपूर्वीच त्याचा मृत्यू झाला होता.
