धारूरमधील चिंचपूर शिवारातील घटना; गुन्हा दाखल
marathinews24.com
बीड (अनंत जाधव) – शेतात कापूस वेचणी करत असलेल्या विवाहित महिलेचा विनयभंग केल्याची घटना धारूर तालुक्यातील चिंचपूर शिवारात रविवारी ( दि. १८) घडली आहे. याप्रकरणी पोलीस ठाण्यात गुन्हा दाखल करण्यात आला आहे.
पिस्तूल बाळगणाऱ्या सराईताला बेड्या – सविस्तर बातमी
पीडित महिला व तिची जाऊ शेतात कापूस वेचणी करत होती. त्यावेळी आरोपी अर्जुन महादेव घुगे हा तेथे आला. त्याने पीडित महिलेच्या साडीचा पदर ओढत तिचा विनयभंग केला. घडलेल्या प्रकारामुळे महिला प्रचंड घाबरली होती. पीडित महिलेने तत्काळ युसूफवडगाव पोलिस ठाण्यात धाव घेतली. संबंधित नराधमाच्या विरोधात फिर्याद दिली. तिच्या तक्रारीवरून अर्जुन घुगे याच्या विरुद्ध गु. र. नं. १७/२०२६ भा. न्या. सं. ७४, ७५, ३५२ नुसार विनयभंगाचा गुन्हा दाखल झाला आहे. प्रभारी अधिकारी सहायक पोलिस निरीक्षक मच्छिंद्र शेंडगे यांच्या मार्गदर्शनाखाली पोलिस जमादार केशव खाडे तपास करत आहेत.
