बिहारच्या टोळीला बेड्या
marathinews24.com
पुणे – शहरात सोन्या चांदीचे दागिने पॉलीश करून देण्याच्या बहाण्याने लुट करणाऱ्या परराज्यातील टोळीला पर्वती पोलिसांनी बेड्या ठोकल्या. शिवकुमार विनोद साह (वय २१), प्रितमकुमार सुशिल साह (वय २३), गोविंद सुशील साह (वय २९ ), मदन गंगा भगत (वय २३ ) आणि राजा रामबारानी यादव (वय ३२, सर्व रा. बिहार) अशी अटक करण्यात आलेल्यांची नावे आहेत. त्यांच्या ताब्यातून २० ग्रॅम वजानाच्या सोन्याची लगड, पोलिस करण्याचे साहित्य असा २ लाख ५० हजारांचा ऐजव जप्त करण्यात आला आहे.
मौजमजेसाठी दुचाकी चोरणाऱ्या टोळीचा पर्दाफाश – सविस्तर बातमी
दांडेकर पुल येथील जय महाराष्ट्र मित्रमंडळाजवळ दि. २१ डिसेंबरला महिलेकडील सोन्याच्या बांगड्या पॉलीश करण्याच्या बहाण्याने दोन अनोळखी व्यक्तींनी हात चलाखीने बांगड्या चोरी करून नेल्या होत्या. संबंधित गुन्हा पर्वत पोलिस ठाण्यात दाखल झाल्यानंतर तपासाला गती देण्यात आली. पोलिस अमंलदार अमित चिव्हे, नानासो खाडे, राकेश सुर्वे, प्रसाद यांना आरोपींची माहिती मिळाली. त्यानुसार चोरट्यांना पर्वती पोलिसांच्या पथकाने ताब्यात घेतले. त्यांच्याकडून अडीच लाखांचा ऐजव जप्त करण्यात आला. ही कारवाई पोलिस उपायुक्त मिलिंद मोहिते यांच्या मार्गदर्शनाखाली वरिष्ठ पोलिस निरीक्षक नंदकुमार गायकवाड, उपनिरीक्षक किरण पवार, इसराईल शेख, अमंलदार प्रकार मरगजे, महेंश मंडलिक, शाहरूख शेख, अमोल दबडे, सुर्या जाधव, स्विनील घुगे, सद्दाम शेख, किर्ती भोसले यांच्या पथकाने केली.
