फुरसुंगी पोलीस ठाण्यात गुन्हा दाखल
marathinews24.com
पुणे – शेअर ट्रेडींगमध्ये गुंतवणूक केल्यास चांगला परतावा मिळवून देण्याची बतावणी करीत सायबर चोरट्यांनी तरूणाला तब्बल १२ लाख १५ हजारांचा ऑनलाईन गंडा घातला आहे. ही घटना १२ फेबु्रवारी ते १७ जुलै २०२६ कालावधीत येवलेवाडीत घडली आहे. याप्रकरणी २९ वर्षीय तरूणाने फुरसुंगी पोलीस ठाण्यात फिर्याद दाखल केली आहे. त्यानुसार मोबाइलधारक, बँकखातेधारकाविरूद्ध गुन्हा दाखल केला आहे.
तरुणाला ट्रेडींग करणे भोवले, १० लाखांची फसवणूक – सविस्तर बातमी
पोलिसांनी दिलेल्या माहितीनुसार, तक्रारदार हे येवलेवाडीत राहायला असून, १२ फेबु्रवारीला सायबर चोरट्यांनी त्यांच्याशी संपर्क केला. शेअर मार्वेâटमध्ये गुंतवणूक केल्यास चांगला परतावा मिळवून देतो, अशी बतावणी केली. त्यानंतर त्यांना बनावट ट्रेडिंगचे स्क्रीनशॉट पाठवून विश्वास संपादित केला. सायबर चोरट्यांनी तरूणाकडून १२ लाख १५ हजार रूपये ऑनलाईनरित्या स्वीकारले. फसवणूक झाल्याचे लक्षात आल्यानंतर तक्रारदाराने पोलीस ठाण्यात धाव घेतली. याप्रकरणी पोलीस निरीक्षक राजेश खांडे तपास करीत आहेत.
हडपसरमध्ये भरदिवसा घरफोडी, दागिने चोरीला
बंद घराचे कुलूप तोडून चोरट्यांनी १ लाख ८ हजारांचे सोन्याचे दागिने चोरून नेले आहेत. ही घटना २७ जुलैला सकाळी अकराच्या सुमारास हडपसरमधील बिराजदार नगरात घडली आहे. याप्रकरणी तरूणाने वानवडी पोलीस ठाण्यात फिर्याद दाखल केली आहे. त्यानुसार अज्ञात चोरट्यांविरूद्ध गुन्हा दाखल करण्यात आला आहे.
पोलिसांनी दिलेल्या माहितीनुसार, तक्रारदार तरुण कुटूंबियासह हडपसरमधील बिराजदारनगरात राहायला आहेत.२७ जुलैला त्यांचे घर बंद असल्याची संधी साधली. घराचे कुलूप तोडून आतमधील एक लाखांचे दागिने चोरून नेले. याप्रकरणाची माहिती झाल्यानंतर तक्रारदाराने वानवडी पोलीस ठाण्यात धाव घेतली. पोलीस उपनिरीक्षक साठे तपास करीत आहेत.
