६ लाखांच्या गुटख्यासह १३ लाखांचा ऐवज जप्त
marathinews24.com
पुणे – टेम्पोतून विमल गुटख्यासह पान मसाला सुगंधी तंबाखूची वाहतूक करणार्या तस्कराला गुन्हे शाखेच्या युनीट चारने अटक केली आहे. त्याच्याकडून ६ लाख ३१ हजारांचा विमल गुटखा, ७ लाखांचा टेम्पो असा मिळून १३ लाख ३० हजारांचा ऐवज जप्त केला आहे. नगाराम देवाराम जाट (वय ३१, रा. लोहगाव, मूळ- देसुरी, राजस्थान) असे अटक केलेल्याचे नाव आहे. त्याच्याविरूदृध लोहगाव पोलीस ठाण्यात गुन्हा दाखल करण्यात आला आहे. आरोपीने अमली पदार्थ कोणाकडून घेतले होते, तो कोणाला विक्री करणार होता, याचा तपास पोलिसांकडून करण्यात येत आहे.
पादचारी जेष्ठेचे पावणेदोन लाखांचे गंठण हिसकावले – सविस्तर बातमी
पोलिसांनी दिलेल्या माहितीनुसार, गुन्हे शाखा युनीट चार हद्दीत पेट्रोलिंग करीत असताना सहायक पोलीस उपनिरीक्षक प्रवीण राजपूत आणि हवालदार सुभाष आव्हाड यांना लोहगावातील साठेवस्तीजवळ टेम्पोतून गुटख्याची वाहतूक होणार असल्याची माहिती मिळाली. पथकाने कृष्णा मार्टजवळ सापळा रचून टेम्पो चालकाला ताब्यात घेतले. आरोपीकडील टेम्पोतून ६ लाख ३१ हजारांचा गुटखा जप्त केला. ही कामगिरी पोलीस आयुक्त अमितेश कुमार, सहआयुक्त रंजनकुमार शर्मा, अपर आयुक्त पंकज देशमुख, उपायुक्त पिंगळे, एसीपी राजेंद्र मुळीक, वरिष्ठ पोलीस निरीक्षक कांचन जाधव, एपीआय प्रवीण राजपूत, प्रवीण भालचीम, विठ्ठल वाव्हळ, किशोर दुशिंग, शरद झांजरे, मयुरी नलावडे, रोहिणी पांढरकर यांनी केली.
