अज्ञात चोरट्यांविरूद्ध गुन्हा दाखल
marathinews24.com
पुणे – फ्लॅटमध्ये शिरून महिला चोरट्याने १९ लाख १६ हजारांचे सोन्याचे दागिने चोरून नेले आहेत. ही घटना २ ते ४ फेबु्रवारी कालावधीत कोथरूडमधील पौड रस्ता परिसरातील सत्यम अपार्टमेंटमध्ये घडली आहे. याप्रकरणी ३७ वर्षीय महिलेने कोथरूड पोलीस ठाण्यात फिर्याद दाखल केली आहे. त्यानुसार अज्ञात चोरट्यांविरूद्ध गुन्हा दाखल करण्यात आला आहे.
पुण्यात गुटख्याची वाहतूक करणारा अटकेत – सविस्तर बातमी
पोलिसांनी दिलेल्या माहितीनुसार, तक्रारदार महिला पौड रस्ता परिसरातील सत्यम अपार्टमेंटमध्ये राहायला आहे. २ ते ४ फेबु्रवारीदरम्यान तक्रारदार महिलेच्या घरी ओळखीच्या महिलेने प्रवेश केला होता. त्यावेळी तिने कपाटातील १९ लाख १६ हजारांचे सोन्याचे दागिने चोरून नेले. चोरीची माहिती झाल्यानंतर तक्रारदार महिलेने कोथरूड पोलीस ठाण्यात धाव घेत फिर्याद दाखल केली आहे. याप्रकरणी पोलीस उपनिरीक्षक मोहन चव्हाण तपास करीत आहेत.
