गणेशखिंड रस्ता परिसरात घडली घटना
marathinews24.com
पुणे – पीएमपीएल बसप्रवासात गर्दीचा फायदा घेउन चोरट्यांनी प्रवाशाच्या पिशवीतून तब्बल साडेचार लाखांचे सोन्याचे दागिने चोरुन नेले. ही घटना २५ मे रोजी गणेशखिंड रस्ता परिसरात घडली असून, याप्रकरणी एकाने चतु:शृंगी पोलीस ठाण्यात फिर्याद दाखल केली आहे. त्यानुसार पोलिसांनी अज्ञात चोरट्यांविरूद्ध गुन्हा दाखल केला आहे.
खराडीसह विमाननगरमध्ये महिलांचे दागिने हिसकावले – सविस्तर बातमी
पोलिसांनी दिलेल्या माहितीनुसार, तक्रारदार हे पिंपळे निलख परिसरात राहायला असून, ते २५ मे रोजी पुणे स्टेशन परिसरातून पीएमपीएल बसने पिंपळे निलखला जात होते. बसमध्ये गर्दीचा फायदा घेउन चोरट्यांनी त्यांच्या पिशवीतून साडेचार लाखांचे दागिने चोरुन नेले. तक्रारदाराला गणेशखिंड रस्ता परिसरात पिशवीतून दागिने चोरुन नेल्याचे लक्षात आले. त्यानंतर त्यांनी तातडीने चतुःशृंगी पोलीस ठाण्यात धाव घेत तक्रार दाखल केली आहे. याप्रकरणी सहायक पोलीस निरीक्षक नरेंद्र पाटील तपास करत आहेत.
