फुरसुंगी पोलिसांनी केली अटक
marathinews24.com
पुणे – प्रेमप्रकरणाची माहिती कुटुंबीयांना देण्याची धमकी देऊन तरुणीवर बलात्कार करणाऱ्या एकाला फुरसुंगी पोलिसांनी अटक केली. आरोपीने तरुणीला वेळोवेळी धमकावून तिच्याकडून सोन्याचे दागिने घेतल्याचे उघडकीस आले.
पुण्यात बुलेटराजा कारवाईच्या तडाख्यात – सविस्तर बातमी
नील भरत निंबाळकर (वय १९, रा. अष्टविनायक सोसायटी, फुरसुंगी, हडपसर) असे अटक करण्यात आलेल्याचे नाव आहे. याबाबत एका तरुणीने फुरसुंगी पोलीस ठाण्यात फिर्याद दिली आहे.
तक्रादार तरुणी ही मित्रासोबत रिक्षातून निघाली होती. आरोपीने तिला रिक्षातून जाताना पाहिले होते. त्यानंतर आरोपी निंबाळकरने तरुणीला धमकाविण्यास सुरुवात केली. एका तरुणाबरोबर तिचे प्रेमप्रकरण सुरू असून, कुटुंबीयांना माहिती देतो, अशी धमकी त्याने दिली. त्यानंतर त्याने तरुणीला धमकावून तिच्यावर बलात्कार केला. तरुणीला धमकावून त्याने तिच्याकडून दागिने घेतले. त्यानंतर आरोपीने तरुणीला पुन्हा धमकाविण्यास सुरुवात केली. त्याच्या धमकीमुळे घाबरलेल्या तरुणीने पोलिसांकडे तक्रार दिली. निंबाळकर याला अटक करण्यात आली असून, पोलीस उपनिरीक्षक नलावडे तपास करत आहेत.
