वाघोलीतील घटना, तिघांना अटक
marathinews24.com
पुणे – विहीर खोदकाम मजुरीचे पैसे दिले असतानाही टोळक्याने संबंधित तरूणाचा मोबाइल हिसकावून नेला. याप्रकरणी महिलेसह तरूण मोबाइल आणण्यासाठी गेले असता, एकाने तरूणाच्या पोटात चाकू खुपसून गंभीररित्या जखमी केले आहे. ही घटना १६ जानेवारीला दुपारी एकच्या सुमारास वाघोलीतील बाजारतळासमोर घडली आहे. याप्रकरणी वाघोली पोलिसांनी टोळक्याला अटक केली आहे.
देशी बनावटीच्या पिस्तुलांची विक्री; तिघे गजाआड – सविस्तर बातमी
किरण मुरकुटे (वय ४०, रा. आष्टी, बीड) असे गंभीररित्या जखमी झालेल्या तरूणाचे नाव आहे. याप्रकरणी राज श्ािंदे (वय २१) दीपक शिंदे (वय ४८) प्रेम शिंदे (वय २४) यांना अटक करण्यात आली आहे. तर आकाश शिंदे (वय २५, सर्व रा. वाडेबोल्हाई ता. हवेली) याच्यावर गुन्हा दाखल केला आहे. नंदाबाई रघुनाथ मुरकुटे (वय ७४ )यांनी वाघोली पोलीस ठाण्यात फिर्याद दाखल केली आहे.
पोलिसांनी दिलेल्या माहितीनुसार, तक्रारदार नंदाबाई मुरकुटे यांचा मुलगा किरण आणि आरोपींमध्ये पैशांवरून वादविवाद होते. किरणने विहीर खोदकामाचे पैसे दिले असतानाही, आरोपींनी त्याला मारहाण करून १५ हजारांचा मोबाइल हिसकावून नेला होता. त्यानंतर नंदाबाई आणि किरण हे आरोपींकडून मोबाइल आणण्यासाठी गेले होते. त्यावेळी आरोपी राज शिंदे याने किरणच्या पोटात चाकू खुपसला. त्याला गंभीररित्या जखमी केले आहे. याप्रकरणी पोलीस उपनिरीक्षक शहादेव हवाले तपास करीत आहेत.
