हडपसर परिसराती घटना
marathinews24.com
पुणे – गावी जाण्यासाठी एसटीमध्ये शिरताना गर्दीचा फायदा घेउन चोरट्यांनी जेष्ठ महिलेच्या गळ्यातील ६४ हजारांचे मंगळसूत्र हिसकावून नेले. ही घटना ९ नोव्हेंबरला सकाळी साडेनउच्या सुमारास हडपसर स्थानकावर घडली आहे. याप्रकरणी जामखेड तालुक्यातील राजुरी गावात राहणार्या ७५ वर्षीय महिलेने हडपसर पोलीस ठाण्यात फिर्याद दाखल केली आहे. त्यानुसार दोन महिलांविरूद्ध गुन्हा दाखल केला आहे.
गुंतवणूकीवर परताव्याचे आमिष, १२ लाखांचा गंडा – सविस्तर बातमी
पोलिसांनी दिलेल्या माहितीनुसार, तक्रारदार ७५ वर्षीय महिला मूळच्या जामखेड तालुक्यातील राजुरी गावच्या रहिवाशी आहेत. कामानिमित्त त्या हडपसरमध्ये आल्या होत्या. ९ ऑक्टोबरला सकाळी नउच्या सुमारास एसटी स्थानकात गाडीची वाट पाहत थांबल्या होत्या. त्यावेळी दोन चोरट्या महिलांनी त्यांना हेरले होते. त्यानंतर एसटी आल्यानंतर तक्रारदार महिला गाडीत प्रवेश करीत होत्या. त्यावेळी गर्दीचा फायदा घेउन महिलांनी त्यांच्या गळ्यातील ६४ हजारांचे सोन्याचे मंगळसूत्र हिसकावून नेले. याप्रकरणी पोलीस अमलदार गव्हाणे तपास करीत आहेत.
