दुचाकीस्वार दोघा चोरट्यांविरूद्ध गुन्हा दाखल
marathinews24.com
पुणे – रस्त्याने पायी चाललेल्या महिलेच्या गळ्यातील २५ हजारांचे मंगळसूत्र दुचाकीस्वार चोरट्यांनी हिसकावून नेले आहे. ही घटना २२ फेबु्रवारीला रात्री पावणेअकराच्या सुमारास येवलेवाडी परिसरातील शत्रुंजय मंदीर ते गंगाधाम रस्ता परिसरात घडली आहे. याप्रकरणी कोंढवा परिसरात राहणार्या ४२ वर्षीय महिलेने येवलेवाडी पोलीस ठाण्यात फिर्याद दाखल केली आहे. त्यानुसार दुचाकीस्वार दोघा चोरट्यांविरूद्ध गुन्हा दाखल करण्यात आला आहे.
पार्टटाईम नोकरीचे आमिष, पावणेसात लाखांची फसवणूक – सविस्तर बातमी
पोलिसांनी दिलेल्या माहितीनुसार, तक्रारदार महिला कोंढव्यात राहायला असून, २२ फेबु्रवारीला रात्री साडेदहाच्या सुमारास शत्रुंजय मंदीर ते गंगाधाम रस्ता परिसरातून पायी जात होत्या. त्यावेळी पाठीमागून दुचाकीवर आलेल्या दोघा चोरट्यांनी महिलेला गाठले. त्यांच्या गळ्यातील २५ हजारांचे सोन्याचे मंगळसूत्र हिसकावून नेले. महिलेने आरडाओरड करेपर्यंत दुचाकीस्वार चोरटे पसार झाले. याप्रकरणी सीसीटीव्ही फुटेजनुसार आरोपींचा शोध घेतला जात असल्याची माहिती पोलिसांनी दिली आहे. पोलीस उपनिरीक्षक विजय महाडिक तपास करीत आहेत.
