युनीट दोनची कामगिरी
marathinews24.com
पुणे – दहशत माजवण्यासाठी पिस्तूल बाळगणार्या अल्पवयीनाला गुन्हे शाखेच्या युनीट दोनने ताब्यात घेतले. त्याच्याकडून पिस्तूलासह काडतुस असा ४० हजार ४०० रूपयांचा शस्त्रसाठा जप्त केला आहे. याप्रकरणी त्याच्याविरूद्ध सहकारनगर पोलीस ठाण्यात शस्त्र अधिनियमासह महाराष्ट्र पोलीस अधिनियम कलमानुसार गुन्हा दाखल करण्यात आला आहे.
हडपसरमध्ये वेगवेगळ्या अपघातात दोघांचा मृत्यू – सविस्तर बातमी
गुन्हे शाखेच्या युनीट दोनचे पथक हद्दीत पेट्रोलिंग करीत होते. त्यावेळी अमलदार योगेश मांढरे आणि उज्ज्वल मोकाशी यांना तळजाई वसाहत परिसरात रस्त्यावर एकजण पिस्तूल घेउन थांबल्याची माहिती मिळाली. त्यानुसार पथकाने त्याठिकाणी जाउन अल्पवयीनाला ताब्यात घेतले. त्याच्याकडून पिस्तूल आणि काडतुस जप्त केले. ही कामगिरी अपर पोलीस आयुक्त पंकज देशमुख, उपायुक्त निखील पिंगळे, एसीपी विजय कुंभार, वरिष्ठ पोलीस निरीक्षक संतोष सोनवणे, एपीआय अमोल रसाळ, संजय जाधव, शंकर कुंभार, विनोद चव्हाण यांनी केली.
