दांडेकर पूल परिसरात कारवाई
marathinews24.com
पुणे – देशी बनावटीचे पिस्तूल बाळगणाऱ्या सराईताला गुन्हे शाखेने अटक केली. दांडेकर पूल परिसरात ही कारवाई करण्यात आली. सराईताकडून देशी बनावटीच्या पिस्तुलासह दोन काडतुसे जप्त केली.
नरेंद्र महादेव बलकवडे (वय ३५, रा. मेहेंदळे गॅरेजजवळ, एरंडवणे) असे अटक करण्यात आलेल्याचे नाव आहे. बलकवडे हा सराईत आहे.
टिळक रस्त्यावर शाळकरी मुलीचा विनयभंग करणारा अटकेत – सविस्तर बातमी
गुन्हे शाखेच्या युनिट तीनमधील पोलीस कर्मचारी नितीन जगदाळे, तुषार किंद्रे हे दत्तवाडी परिसरात गस्त घालत होते. त्यावेळी बलकवडे हा दत्तवाडी ते दांडेकर पूल दरम्यान असलेल्या रस्त्यावर थांबला असून, त्याच्याकडे पिस्तूल असल्याची माहिती त्यांना मिळाली. त्यानंतर पोलिसांच्या पथकाने सापळा लावून बलकवडे याला पकडले. त्याच्याकडून देशी बनावटीचे पिस्तूल आणि दोन काडतुसे जप्त करण्यात आली.
अतिरिक्त पोलीस आयुक्त पंकज देशमुख, उपायुक्त निखील पिंगळे, सहायक आयुक्त विजय कुंभार यांच्या मार्गदर्शनाखाली वरिष्ठ पोलीस निरीक्षक संपतराव राऊत, सहायक निरीक्षक ज्ञानेश्वर ढवळे, पोलीस कर्मचारी अमित बोडरे, नितीन जगदाळे, तुषार किंद्रे यांनी ही कामगिरी केली.
