खाजगी वाहनांना आकर्षक व पसंतीचे नोंदणी क्रमांक विहित शुल्क तीनपट आकारले जाणार
marathinews24.com
पुणे – प्रादेशिक परिवहन कार्यालय, पुणे येथे मालवाहतूक, टुरिस्ट टॅक्सी, बस व ॲम्बुलन्स या परिवहन संवर्गातील वाहनांसाठी नवीन नोंदणी मालिका सुरु करण्यात येत आहे. यासाठी ज्यांना खाजगी वाहनांना आकर्षक व पसंतीचे नोंदणी क्रमांक विहित शुल्क (तीनपट व नियमित शुल्क) भरून हवे असतील त्यांनी 13 जानेवारी रोजी सकाळी 11 ते दुपारी 2.30 या दरम्यान डीडी, पत्त्याचा पुरावा, ओळखपत्र व पॅनकार्डच्या साक्षांकित प्रती जोडून जमा करावा.
काँग्रेसने सोडवला प्रभाग ३८ मधील महाविकास आघाडीतील पेच – सविस्तर बातमी
एकाच क्रमांकासाठी एकापेक्षा जास्त अर्ज प्राप्त झाल्यास त्यांची यादी 14 जानेवारी रोजी सकाळी 10.30 वाजता कार्यालयाच्या नोटीस बोर्डवर प्रसिद्ध करण्यात येईल व त्याच दिवशी दुपारी 4.30 वाजता लिलाव प्रक्रिया करण्यात येईल.
एकदा राखून ठेवलेला नोंदणी क्रमांक बदलून देता येणार नाही. राखीव नोंदणी क्रमांक मिळाल्यानंतर 180 दिवसांच्या आत वाहन नोंदणीसाठी सादर न केल्यास संबंधित क्रमांक आपोआप रद्द होईल व भरलेली फी शासन खात्यात जमा होईल. कोणत्याही परिस्थितीत राखीव नोंदणी क्रमांकाकरिता भरलेली फी परत न करण्यात येणार नाही तसेच तिचे कोणतेही समायोजन करता येणार नाही. असे उप प्रादेशिक परिहवन अधिकारी पुणे यांनी प्रसिद्धीपत्रकान्वये कळविले आहे.
